Захиалга үүсгэх

4.1. Хэрэглэгч www.haus.mn цахим худалдааны сайтыг ашиглан 24 цагийн аль ч цагт хэдэн ч удаа захиалга хийх боломжтой.

4.2. Хэрэглэгч захиалга хийхдээ бараа бүтээгдэхүүний дэлгэрэнгүй мэдээлэл, танилцуулга болон тухайн брэнд бүтээгдэхүүнтэй холбоотой сертификатууд, ашиглалтын болон угсралтын зааварчилгаатай сайтар танилцаж, судлах шаардлагатай.

4.3. Цахим худалдааны сайтаас бараа бүтээгдэхүүний албан ёсны брэнд, бүтээгдэхүүний нэр, код зэрэг бүхий л мэдээллийг авах боломжтой. Хэрэглэгч илүү дэлгэрэнгүй мэдээлэл хүсвэл тухайн брэнд бүтээгдэхүүний албан ёсны вэб сайт болон бусад мэдээллийн сувгийг ашиглан судлах боломжтой юм.

4.4. Хэрэглэгч захиалж буй барааны мэдээллийг бүрэн хянаагүйгээс болж, захиалгын төлбөр төлөгдсөн эсвэл хүргэгдэн очсоны дараа захиалгыг буцаах хүсэлтийг цахим худалдааны сайт хүлээн авах, барааг буцаах боломжгүй.

Захиалга баталгаажих

4.5. Хэрэглэгч нь захиалга хийснээс хойш 1 цагийн дотор зааврын дагуу төлбөрийг 100 хувь шилжүүлснээр захиалга автоматаар баталгаажих бөгөөд энэ хугацаанд төлбөр төлөөгүй тохиолдолд захиалсан бараа бүтээгдэхүүний тоо хэмжээ нөөцлөгдөхгүй.

4.6. Хэрэглэгч захиалга хийх, төлбөр төлөх, бараа хүлээж авах бүрт хэрэглэгчийн бүртгүүлсэн цахим шуудан болон утасны дугаарт мэдэгдэл илгээнэ. Уг мэдэгдэлд захиалгын дэлгэрэнгүй мэдээлэл, захиалгын нийт дүн, төлбөр гүйцэтгэх хэлбэр, төлбөр хүлээн авагч байгууллагын нэр, дансны дугаар зэргийг ойлгомжтой хэлбэрээр оруулсан байна.

4.7. Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд “Худалдан авалтын түүх” хэсгээс захиалгын тухай дэлгэрэнгүй мэдээллийг харах боломжтой.

Захиалга цуцлагдах

4.8. Захиалгын төлбөрийг 1 цагийн дотор төлөөгүй тохиолдолд захиалга автоматаар цуцлагдах болно. Нэгэнт цуцлагдсан захиалгыг дахин сэргээх боломжгүй бөгөөд хэрэглэгч хүсвэл захиалгыг дахин шинээр үүсгэх болон “Захиалгын загвар” цэсэнд хадгалж, тухайн цэснээс худалдан авах товч дарж, шууд захиалах боломжтой.

4.9. Хэрэглэгчийн зүгээс захиалгын төлбөр гүйцэтгэгдсэн бол тус захиалгыг буцаах, цуцлах боломжгүй.

4.10. Худалдан авсан бараа бүтээгдэхүүний НӨАТ-ын баримтыг компани хэрэглэгчийн бүртгүүлсэн цахим хаяг болон утасны дугаар руу илгээнэ.

Үйлчилгээний нөхцөл